Day 8 - 就在那個最南的地方

2011年9月24日, 星期五 (陰)

台26 經墾丁 --> 鄉道200甲 --> 鄉道200 --> 接台廿六經港仔 --> 鄉道199甲 --> 旭海

今日心情有d 緊張, 因為要向完全無去過既地方出發. 但係我既旅程開始有d 唔同, 因為遇上越黎越多既車友, 打氣既路人亦都越黎越多, 感覺開始無咁孤單無助.

間酒店實在係太抵, 搞到我都唔捨得走, 混到八點鐘先出發. 

踩左無耐就到墾丁, 無風真係完全different story

因為今日無乜太陽, 所以無用條毛巾遮面 (好熱架大佬....), 但係我地呢d 偶像實力派, 一定要拼命咁護住塊面, 無法子啦.

到墾丁啦, d xx的士佬仲係個到食檳榔撩女仔呃生意

都無乜點變

一到左墾丁就係咁爬坡, 仲要風大

又一屈機風景

有班成功大學既學生係到ocamp, 沿路仲聽到好多廣東話. 香港人去旅行可唔可以唔好咁丟架, 講野細聲d 會死架咩? 聾架?

呢到就係台灣最南點. 途中....

(有條女坐係電動車後座, 有條仔咋住架車)

條女: 前溫姐li 是bu 是追爛then? (翻譯: 請問這裡是不是最南點)

我: 個邊呀

條女: e, 你特登過黎踩單車架

我: 係呀, 我環島呀

之後就一齊去左個最南點

跟住條女就幫我影左張相咁

我: e 你地跟住去邊呀? (我意思係佢地玩完墾丁會去邊)

條女: 點解你會黎環島既? 做童軍task 呀? (我完全覺得呢個trip 應該係生日trip, 條女都八九成係處女座)

之後再係路上面遇到, 咁我就同佢地打個招呼, 條女就乜都唔講, 勁大聲講bye bye 咁, 方死我問你lor msn 咩小姐...........注意條仔全程係無位講野, 只係講左一句嘩你好勁, 加油呀 (真心)

其實出外旅行, 見到自己人, 唔係應該會好有親切感同埋會好開心架咩? 抵你香港俾大陸殖民啦.

好彩唔係好睇到樣, 勁樣衰

繼續旅程, 又黎爬坡.....爬呀爬....

踩踩下天氣開始熱, 是咁的, 每日既十一點左右至一點前後係最熱既時候, 如果唔係好頂得順都會避一避, 順便食個飯咁. 呢間野都好貴, 價錢拍得住香港d cafe. 呢隻狗叫mary

不過佢好大佬feel, 唔俾你摸

幾辛苦先影到佢望過黎個一刻

係呢到, 遇到一個蘇格蘭場非工業用....(下刪) 既鬼婆, 講左幾句, 佢自己一個人去東南亞旅行, 下一站會去香港. 講講下我都提起我有位朋友 (係呀, 博少你呀) 係蘇格蘭讀書, 佢話原來佢個妹都係同一間 u 讀書喎. 仲話佢係香港有朋友住係薄扶林. 呢個世界真係好細. 其實d 外國人生活都好開心, 無啦啦就去下旅行咁. 香港人幾時先會有呢d 生活呢?

亂咁影都係咁靚

忍唔住係咁按快門....

之後, 就經過龍磐公園同風吹沙. 風吹沙真係好硬膠, 真係有堆沙係到跟住有風吹, 仲要吹到d 沙打落我塊面到超痛...................之後就接鄉道向山坡進發

一直爬呀爬, 天色都開始暗落黎 (多雲), 爬到黎呢到, 叫做分水嶺, 係鄉道200 最高點, 之後就一直滑坡

滑到黎港仔. 港仔有好多賽車場, 可以俾遊客黎體驗下沙漠賽車. 我就無咁既時間同埋金錢去體驗了. 踩到黎呢到, 開始有雨粉飛飛下.

鄉道200 好短, 有十幾公里上坡十幾公里落坡. 其實唔難踩, 因為無乜車, 條路都幾平. (即係好多上落坡但係佢舖到條路好平)

199甲 既無敵海景景點

係呢到遇返阿貓同alan, 大家都係去旭海, 佢地仲幫我打去民宿留返間房, 實在是太好人了!

兩粒鐘之後終於到左今晚要住既民宿. 今晚有好多車友, 大廳入面有成六部車. 

呢間民宿叫做「我家民宿」, 管數個呀嬸真係好有香港d 管數呀嬸feel, 一個崩都同你算到盡. 今晚佢本黎收我一千蚊, 好彩我遇到另一個女車友, 佢同我share 間房, 先無蝕入肉. 條呀閃係咁hard sale 自己, 又話口碑好, 又lor d 住過既人留既言出黎, 又話自己合法lor 正牌買左幾多錢保險, 又包早餐, 晚餐 100 蚊食到飽 etc etc.......老實講, 唔係要環島, 真係一定唔會黎呢d 鳥不生蛋既地方, 大佬, 堂堂一條村, 條公路竟然無街燈, 前前後後仲俾坡段包圍, 發展咩? 單車訓練場地?

是日騎乘時間: 5:40:55
總距離: 69.35公里
平均速度: 12.2公里每小時
最高速度: 47.6 公里每小時 (d 坡真係好斜)

我呢亭香港人, 唔係100蚊新台幣好貴, 只係覺得唔想俾佢賺到咁盡, 條氣唔順, 就去左呢間環島車友間流轉已久既餐廳. 其實仲貴過民宿, 但係起碼條氣順d.

星座環島排行榜, 雙魚座係第二名. 

牆上都寫滿車友既字句, 就算失望, 不能絕望, 原來都會有車友同我懷著同一個心情, 有d 共嗚

廿五歲即係活左四分一個世紀. 最起碼都留左個證據, 我活過.

都無乜特別啦, 同埋幾貴, 成120 twd. 條氣順返, 就算啦.

之後, alan 就撩呀貓同我去浸溫泉 (其實佢真係好搞笑). 因為旭海出名有兩樣, 一係日出, 二係溫泉. 其實台灣黎講, 東部縱谷既地方 (即係池上, 玉里, 瑞穗, 花蓮一帶) 都有好豐富既溫泉資源, 而且種類繁多, 有普通既, 有硫磺既, 有鐵既, 有咸既, 有超熱既, 有35度既..... 於是, 我就浸左人生第一次既硫磺溫泉. 仲要唔洗錢. 

返到民宿, 就同今晚既roommate 吹下水咁. 佢係一個好有想法既台灣女仔, (其實佢上左報紙), 同我share 左好多佢環島既事, 同埋佢對台灣既想法. 佢對香港政局同文化既認識係我遇過咁多台灣人入面最深入既. 真係講起都有少少驚, 我遇到十個人, 有七個人以為香港係用簡體字, 我一聽到簡直是侮辱, 即刻要嚴正澄清, 我地係用正體中文!

我同佢講關於香蕉既事, 佢話原來台灣有個名稱呼d 賺中間錢既人做「菜蟲」, 佢又同我講台灣都面臨「童黨」既問題 (我之後路上都有遇到集體逃學), 個成因同香港既差不多, 之後又講起台灣好多男人都娶外藉新娘...... 究竟係社會既大趨勢, 定係中國人社會都係有相同既劣根性問題存在呢?