Day 12 - 時光隧道的盡頭

2011年9月28日 (陰, 有雨)

台9公路 --> 池上 --> 玉里轉鄉道193 ---> 瑞穗

一天醒來，雖然身體還是好累，但感覺已經可以繼續旅程了。伯伯說，昨天晚上下了傾盤大雨，今天一定不會再下雨了。

但話語未畢，雨又再下了起來。

伯伯叫我一定要再來，他說，香港的朋友，如果覺得身心疲累，也可以去散散心，做做服務親近一下大自然，但踩車來太辛苦，下次坐火車好了。

在伯伯面前，我沒法子說什麼。繼續旅程時，我也分不清臉上的，是汗水，雨水還是淚水。我其實，一向都不善辭令。

「感謝您讓我尋回消失了的童年。2011.9.28」

========================================

小病初癒, 其實就應該再抖下既. 但係因為我始終都要趕飛機返香港, 再拖落去其實一日半日既休息都唔差得去邊, 既然可以踩, 就踩啦. 只係我都唔敢踩得遠, 今日就向前日原本既目的地 - 瑞穗進發.

中間因為落雨, 仲要都幾大下, 根本要張開眼睇路都有困難, 就無法子影相. 踩車先黎落雨, 真係唔通連個天都唔鐘意我. 只不過落雨都好過大風, 起碼唔洗哂哂d 力對抗d 逆風.

其實由恆春個日開始, d 雨就一直跟住我, 都無停過. 係呢d 情況, 我就會係到諗, 點解咁戇鳩走黎做埋哂d 咁既野, 香港有個咁舒服既窩又唔好好咁攤下..........i miss the good old days

「下雨天總掛念從前～球場上那可愛片段～突然又已～一年～」

踩左無一陣, 就經過池上, 係池上既七仔入面, 碰到一位車友, 來自高雄, 原來係佢七仔訓左陣, 要上路了. 佢同我講, 呢到個池上飯包 (即係便當) 非常有名, 可以試下, 不過因為落雨, 又逆風, 佢要趕路了, 就走左.

於是乎我休息左一陣, 就向著玉里出發, 途中, 遇到一對台灣夫妻, 佢地由墾丁踩去基隆, 個老公同我講, 你踩咁既速度, 可以, 要完成環島, 沒問題. 拿, 台灣d 人就係咁, 佢地無話睇唔睇得起你, 就係講野夠客觀, 而且唔會將d 野講到好神奇, 簡單d 就係唔會自吹自擂. 我問佢係咪環島, 佢話都唔算, 之前踩左西面, 今次淨係踩東面. 咁我問佢哦咁你踩左幾耐? 佢話一日就踩完啦, 由台北到墾丁, 廿四小時. 嘩, 你是神呀? 佢話唔係啦, d 車隊廿個鐘得啦. 跟住又同我講佢爬玉山要五個鐘左右 (海拔3000幾米既山呀), 我話你地真係好勁, 我搭車都應該ok, 佢話你都得架, 可以遲d 去試下, 我話台灣人踩單車都好厲害, 佢話唔係呀, 你地香港黃金寶, 爬玉山要兩小時十幾分鐘就得啦...........

其實香港體育發展就係青黃不接, 青黃不接同埋青黃不接. 好多香港既運動員係世界都享譽盛名, 但係香港發展就係咁單一同埋短視......

玉里路口既七仔

話說我一直都係行緊台9, 咁見到有間七仔就走左入去食個午飯先啦. 一入到去就見到一個好似賓賓模樣既服務人員, 咁我就多口問佢一句瑞穗係咪呢個方向啦, 點知佢勁熱情咁同我講, 方向係岩呀無錯, 但係你行台9要爬山喎, 拿你呢度轉右, 行鄉道193, 平路唔洗爬山, 咋機車半粒鐘就到啦. 

咁正所謂好心做壞事, 為左維護呢位好心既賓賓 (註: 其實呢位姐姐應該係混左台灣原住民族既血統, 所以皮膚比較偏黑), 我當然要查下個google map 先確定前進既方向. 睇個map, e 又真係無水我喎佢, 台9 真係要爬山, 為左小妹既人身安全 (落雨, 上坡, 逆風, 感冒), 所以我就轉左右手邊接鄉道193去瑞穗. (後黎遇到車友問起, 佢地都確認左台9 要爬山, 鄉道193 就只有個一小段係平路, 但的確係比較好行)

只但係, 北回歸線紀念碑 (tropic of cancer) 就係係台9 爬山個段啦 TAT..............................你地自己決定啦..............

伯伯臨走之前仲塞左超好食芝士餅加兩隻超流心既溫泉旦俾我帶上路 TAT......

唔好再落雨啦好無呀.......帶個相機都無用 TAT

個全景真係.........無野好講

走鄉道193先影到既景, 好似人間仙景咁

離瑞穗仲有一公里既距離 (鄉道193 88 公里處), 有一間新開既民宿, 其實去到花東地區, 如果你見到間野好似好靚咁, 都不妨入去問下價, 因為通常都有驚喜價, 講真你唔住佢又唔會殺左你, 呢間咁豪華既套房連一個剝埋皮既碌柚同埋一大樽超好飲紅茶仲要有wifi 同埋脫水機, 都係收我1000蚊台仔. 無錯, 係兩舊半水港仔, 你無睇錯.

我一入去間野就聽到有雞啼, 我仲以為係音樂, 原來係真雞! 勁得意! 不過礙於職業既原因我無摸佢地 (雖然好想摸下)

旅程差唔多到尾聲, 盤川都仲有少少淨, 所以可以食好d

瑞穗名產就係牛奶啦! 呢碗就係牛奶海鮮烏冬, 咁d 烏冬係有好大進步空間既, 但係d 牛奶真係飲得出既新鮮! 咁樣既一餐 300蚊台仔.

瑞穗火車站, 算係花東地區一個大站口, 因為附近好多景點, 又有溫泉

都算係靜中帶旺

有網吧 =_=, 隔離仲有班叔父係到唱k =_= (註: 佢地勁鐘意係屋企唱k, 仲要幾好聽)

係火車站返酒店個時, 個後太係到鄧鄧下咁, 又唔知幾時爆左太, 求其禁下佢都笠哂入去

由於上次換前太無影低, 今次我驚我會唔記得左呢個技能, 就影低左做個紀錄, 換後太首先要反轉架車, 之後鬆 brake, 扭鬆個後太, 成個拆出黎

跟住lor 條內太出黎, 再細心搵個缺口

應該係d 小砂石啦

之後就用砂紙磨平個條突出黎既紋, 之後用膠水痴呢個補胎貼上去, 再用右上角個枝野刮實個貼同個內胎

呢個就係好耐之前補過, 經時過日之後既樣子

跟住檢查外胎仲有無吉左d 尖野, 有就lor 返佢出黎, 無就上返內胎, 之後按摩下條太, 再將個打氣口抽插一下, 就可以打返氣, 上返架車, 砌返個brake, 完成了.

總騎乘時間: 5:39:40
總里程: 79.07公里
均速: 13.9公里每小時
最高速度: 35.3公里每小時

聽日就要去花蓮了. 連接宜蘭蘇澳同埋花蓮既一條公路叫做蘇花公路, 好記性既你應該會記得2010年發生過大坍方事件. 其實蘇花公路係起係個山既邊緣, 用我既說法係夾硬起出黎, 雙線雙程行車 plus 十一條伸手不見五指既隧道加坡段. 再加上台灣係「東沙西運」, 西邊既建設都係靠東面開採既沙石黎做建材, 所以蘇花公路有好多砂石車行走, 講到呢到好多人都會幻想踩蘇花公路同自殺無分別. 其實如果踩蘇花的話, 主要睇兩樣野, 第一係閣下既體力, 第二係天氣. 如果前後連續幾日雨, 真係乜野保險都唔會賠. 咁大家一路追在下既blog, 都知道在下既運氣係比起大陸既人權狀況更加差, 一路係咁落雨, 再加上在下小病未癒, 雖然好可惜, 聽日在下都係踩唔到蘇花公路, 要靠火車既接駁.