28.95公里, 1:40:46騎乘時間, 均速 17.23公里每小時, 風大, 後段下雨
google map route
呢排心情有點參差, 想踩長途一點, 就揀左呢條路線. 因為我聽人講要踩三粒鐘, 所以就坐西鐵去荃灣西, 再慢慢踩返出紅磡, 返屋企.
咁坐西鐵呢, 入閘時最好就拆轆啦, 因為其實港鐵好似有明文規定係唔上得單車, 但如果你拆哂轆, 企係頭尾卡, 十一二點無乜人個時先上車, 其實港鐵都採取隻眼開隻眼閉既政策既, 希望各位車友都會合作啦.
去到荃灣西, 就應該係b/c 出口出既 (的士站), 但我就出錯左a 出口, 一出就係巴士小巴站, 避開哂d 大車之後, 一出去就係麗城附近, 沿海向住反麗城方向踩, 唔洗五分鐘就出返去的士站. 之後跟返條路踩出去就係楊屋道 (會經過多層停車場個小巴站), 去到德士古道路口直行上葵福道. 葵福道個大路口都無乜特別要注意, 最緊要跟燈號同埋讓d 的士大車行哂先好行. 之後就係無乜燈無乜車既坡道, 大約四五度到無乜特別. 葵芳地鐵站附近有個迴旋處小心比你早轉出迴旋處既車輛.
然後就會接到荔景山路, 會經過荔景地鐵站個小巴站, 中學同埋瑪嘉烈醫院, 一條大直路無視所有路口. 特別要注意過左荔景站一個有避車處既巴士站, 係交通交流處黎, 最好轉右入巴士站再出返黎避開個「讓車口」. 經過長上坡, 係醫院對面可以望落去, 就係貨櫃碼頭同埋五號and 三號幹線, 呢到就係頂了, 之後就會滑坡, 滑落去美孚.
去到美孚, 可以揀入美孚新村百老匯街, 到消防局路口轉入月輪街, 或者推車過馬路. 如果入百老匯街, 條路好鄧 (因為係私家路), 同埋會行遠左; 所以我建議行美荔道, 去到葵涌道路口落車過馬路.
黎到呢到開始多燈同多車, 月輪街轉深旺道會好多石油氣搵食車排隊入氣, 可以不用理會行快線直行入深旺道. 深旺道都幾多燈, 同埋都等幾耐下, 仲會有少少起伏. 完左深旺道就接櫻桃街, 小心迴旋處第二個出口先係接亞皆老街, 第一個出口係大角咀道, 唔岩的. 到上海街交界轉上海街, 之後就轉左接窩打老道, 培正道, 佛光街, 馬頭圍道, 我屋企.
返到屋企, 都只不過係踩左一粒鐘, 大約廿公里唔夠........邊到有三粒鐘咁誇呀 =_=, 下次都係慳返程西鐵 =_= ( 回程是一樣, 但唔入上海街, 直接走培正道, 梭椏道, 亞皆老街)
香港好似無乜長途好踏，加上香港的車，唔多識和單車合作，好似好險。
ReplyDelete沙田去大尾督算是最正常的了。
西鐵元朗站入南生圍都ok 不過得 10km 好短。
我前幾日踩左三十k, 感覺好到喉唔到肺.......
ReplyDelete其實青山公路入屯門 --> 古洞 --> 上水 --> 吐露港 --> 沙田 --> 荃灣 這條路線是否可行? btw 我研究緊環香港路線, 諗住搵日踩一次睇下work 唔work, 如果work 就去背包客棧promote 一下
香港區 要小心D 果邊D路 更差
ReplyDelete因 闊度不足 加上 有D 飛車友
黃金寶 之前 training 條路線 都好似差唔多
頭先 google check 1 check >100KM
不部份路線 ok
只有兩段 唔多 順眼 :
1/ 三勝(入屯門) 後 到 虎地 (出屯門)
2/ 大圍後 唔知 點過 荃灣 (自己唔識路)
小小見意 :
1/ 古洞 可行 但要小心 紅色小巴 。 可改行 錦上路 一樣有紅色小巴 但車流 少D，但壞處就有上落斜。
屯門路我就熟d 因為大學時住屯門, 如果入屯門出屯門呢, 其實首先要過橋, 右轉富健花園, 沿住條河一直北上都係單車路(不走龍門路山景個邊, 單車不通, 要踩馬路, 而且係坡段起伏), 然後到兆康, 經藍地輕鐵站, 就會見到單車徑, 可以一直去到天水圍. 我呢幾日會由屋企踩去天水圍來回, 返到黎會係google track 返條route 出黎, 大家可以研究下.
ReplyDelete至於大圍點去荃灣, 有d 車友就話要上馬騮山但係都要出車先知點走.....我個邊真係零認識
另外十分多謝你的意見, 等我踩完再上黎報告下囉 ^0^