2011年9月28日 星期三

Day 6 - 輕鬆觀光一日遊

2011年9月22日 (晴)
台南 --> 走台17線 --> 高雄

尋日休息左一日之後, 今日又出發去高雄. 由於個mommy boy 都係去高雄, 所以今日都會同佢住同一間hostel, 大家share 返會平d. 咁佢就坐火車去, 我就踩車去.

台灣對單車真係好友善, 沿路都有見到自行車道, 但環島路線一定走公路, 所以都幾乎無踩過呢d 自行車道.

都起得幾靚



請教地理達人呢d 雲代表d 咩?
每一次我踩踩下, 望下個天空, 都會見到唔同形狀既雲, 雲層上面就係個太陽. 太陽既光線有時會射穿雲層既間隙, 好似有一道光線從天而降, 眷顧著某些幸運的人. 我就會覺得自己好渺少, 人造衛星會壞掉, 然後跌落黎, 但係造佢出黎既人, 都預測唔到佢會跌去邊到. 太陽月亮, 起碼係人類有生之年都唔會見到佢地跌落黎 (因為應該係太陽膨脹而將地球吞噬). 係呢個浩瀚既宇宙, 我又算是什麼呢?

經過呢幾日我已經練成左踩踩下車係個腰包度lor 個相機出黎一路踩一路影相.



高雄既海軍學校基地, 可以見到好多國中生係到受訓. 唔知係d training camp 定係d 海事中學呢

經過高雄既捷安特, 入去檢查下同埋打打氣
到達是日hostel
哂傷哂, 原來哂太陽係會起水泡

呢間野都唔知係咪摟屌, 我問架車洗唔洗鎖, 你同我講呢到無人偷你野, 呢到係台灣, 咁你出街就咪撚鎖門啦笨, 戇鳩既 . 個dorm 又污糟, 又遠 (係西子灣), 下次咪撚幫襯
一放低d 野拿拿聲去中華電信搞返張 3g 週卡
高雄捷運係可以連人帶車上地鐵, 但係要買一張特別d 既地鐵飛, 好似係60twd, 算係非常貴, 因為高雄捷運由頭坐到尾都唔洗 60twd
原裝正版高雄分店
搭車去東港觀摩一下
晚上既東港
東港三寶之一, 好似係油魚子
呢到一塊加切埋片既, 都係150 twd, 係好新鮮既油魚子, 就算我呢d 咁唔得重口味既人都覺得好好食 (係唔食得多姐), 果幾舊蘋果係個條女見我食到where 口where 鼻特登切俾我夾d 魚子黎食. 其實真係好好食. 

佢話佢係老祖宗. ok 啦.
個條女sales 真係要讚一讚, 佢非常耐心咁同我講解d 乜魚子係乜鬼 (我好明顯係唔記得哂啦hohohoho), 又同我解釋點樣計數呀, 點整呀, 真係好鬼有passion. 我欣賞.

咁食d 咁既野係唔會飽, 又走左去食牛扒~~~~~~真係炒好食~~~
架客運上面有電視機睇, 仲可以插ear phone =_=, 呢首係王菲既 <<我願意>>, 我願意為你, 我願意為你, 忘記我姓名~
是日騎乘時間: 3:33:43
總里程: 52.32 km
平均時速: 15.1 km/hr
最高速度: 31.4 km/hr
個一晚, 我就坐係hostel 到上網, 準備之後既日程. 由於我想吹下風, 就坐係大廳到上網. 個mommy boy 就以為得大廳有得上網, 又同我一齊坐係大廳到. 因為打開左大門, 勁多蚊飛入黎. 佢就係咁lor 住個電蚊拍係到打網球. 佢同我講, 點解呢個世界會有蚊呢種生物, 佢地有咩用, 點解有需要存在係呢個世界. 其實我諗好多人都會知道個 "scientific fact", 就係唔係對人類有害既野都唔應該存在, 反而佢地既存在係有利於人類既發展. 咁多人口個地球邊頂得順? 唔係點解要發展 GM food?不過一黎我國語講得麻麻, 二黎無乜必要週街同人說教, 就笑笑算了.

沒有留言:

張貼留言