Day 5 - 休息是為了走更遠的路

2011 年 9 月21日 (晴)

是日休息

由於尋日由朝早七點踩到夜晚九點, 基本上個人一到左住既地方就已經唔知做乜, 係間房到轉黎轉去又唔知自己想點淨係知道好累. 用左大約一個鐘頭冷靜左之後, 房東小姐就黎了. 其實成幢野都係佢既, 佢一個人住唔哂就租最上面個層出去, 因為佢本身都好鐘意去旅行, 好明白一個旅人只想找一個安心同便宜既容身之所. 同佢吹左陣水就遇到今晚既roommate (因為尋晚住dorm), 一個由大陸黎既rich dude, 加拿大移民, 幾熱血啦, 同我講佢反對台獨 =_=, 唯一可取既係幾有風度, 但都係典型 mommy boy....

一朝早起身, 終於都有返少少氣力處理返尋日爆左個條太. 搵呀搵搵左半粒鐘先搵到個窿, 真係好細個, 就補左, 打返氣, 雖然都有懷疑過自己既技術, 但之後幾日事實證明成件事係work 的. 為免後患, 特登去左台南既捷安特檢查一下架車仲有無其他問題

前外太有好多呢d 少少既割傷, 如果行行下山路外太爛左, 真係唔知點算好, 又要原地自殺

終於都有返少少食慾, 呢幾日黎比較像樣既一餐

台南有府城之稱, 係台灣有名既古城, 雖然因為城市既發展, 令到呢個古城變遷得好快, 但係總係別有一種味道

尋晚仲有d 衫唔記得洗, 又黎洗過

台灣呢個城市係可以令你好悠閒咁坐底等洗衫, 係純綷既等, 哂下太陽吹下風, 唔會玩電話唔洗睇報紙, 好relax, 我仲係到哂鞋tim.... (因為尋日俾狗追, 搞到成對鞋都係泥, 所以我成對鞋掉左落去洗衣機洗.....hohoho)

其實開呢d 店都幾好, 個條友都唔洗落舖頭, 全自動, 又唔驚人偷野呀成呀咁

鐵腿是這樣鍊成的! (此效果經特殊處理, 實際上邊有咁容易 =_=)

呢隻狗叫barbie, 係我尋日住個到既主人既狗, 好活潑, 好忠心, 我叫佢佢都唔x 理我, 但佢主人一叫就會又跳又轉咁

係間民宿既旁邊, 有個公園, 隻狗仔會成日去個公園到轉轉轉, 玩下聞下週圍走下咁. 我好鐘意狗, 但我無考慮過係香港養狗. 香港又細, 對寵物又唔友善, (得罪好多人) 我覺得困住隻狗係屋企同虐待佢真係無分別. 所以我一日唔移民, 一日唔會養任何寵物.

係台南四處亂轉, 入左去間果汁店飲西瓜汁, 飲飲下個店員撩我講野, 都係問個d 問題啦 例如係環島辛唔辛苦呀, 自己一個人呀? 之類, 講講下仲請左我食兩舊芒果. 超好食. (句號)

呢到d 餐廳, 你食完之後個店員會等下一台黎先執野, 佢地專心準備食物. 係香港, 無人黎就聽執笠啦, 但係佢地無呢個煩惱......人就唔會變左做一個齒輪, 每日係到轉轉轉, 一張枱做10個turn over 都唔夠交租咁. 其實生活係咩一回事呢? 你既生活又如何? 我只係覺得過去兩年, 轉下眼就過左.......究竟我做過d 咩, 遇過d 咩? 點解好似黎左一個禮拜環島, 得到既, 值得紀錄既, 比起過去兩年還要多?

跟住又行過d 小生果舖, 又坐低飲左杯西瓜汁, 同埋又忍唔住買左個番鬼佬荔枝. 我唔鬼記得左佢地點叫呢個野啦 (後尾經過太麻里就記返起, 佢地叫 釋迦, 係咪即係釋迦牟尼個friend 釋迦麻里), 總之好平又新鮮咁. 同埋原來番鬼佬荔枝全世界最大既種植地就係太麻里, 所以我決定我以後叫佢做麻里荔枝.

台南呢個府城, 隨隨便便係路邊都可以搵到呢d 古蹟. 雖然台灣在地人都覺得台灣保育做得唔夠好, 但對比起香港已經係做得非常好. 我自己覺得佢地都有努力去平衡發展同保育. 有一票在手果然係唔同d.

民宿老闆娘今日剛好無事做, 得閒, 就帶我去食佢地既特產 綠豆湯. 其實即係綠豆沙, 只係無將d 豆煮到起沙

民宿老闆娘叫vivian, 佢係補習老師, 媽媽係佢屋企地下個層開小商店, 賣一d 粮油雜貨. 佢係一個好有passion 既老師, 佢令我諗起我做merchan 同呢份工之間個小小既gap. 我全職做補習個時, 其實都蠻享受, 一黎我其實都幾有passion 做教育, 但係我唔想做admin 既野, 所以做補習教班係幾好既一個組合 (或者就係因為咁個晚夢見 傑青 返生....), 二黎係自由d , 可以有返自己既生活. 但係香港呢個社會就係有好多唔同既機制迫你去做齒輪, 好多既壓力去令你覺得做自由業係唔好, 一定要搵份長工, 咁先有前途.......但係前途係一回咩事呢? 路係人行出黎, 即係肯行就會有路, 咁係咪就即係前途呢? 咁點解要有份好工先有前途? 係咪意思就係解做搵份牛工, 就代表唔肯行, 就無出路呢?

間餐廳對寵物好友善, 個老闆甚至煮多少少特登俾隻狗食, 流浪狗都會一視同仁

牛扒晚餐, 正 :)

之後就去七仔打等 + 打blog, msn 下咁, 今日終於都有返少少食慾, 可能因為心理同生理都開始適應今次既旅行, 一路坐係七仔, 唔知點解就好不安, 又諗下電話個3g 週卡就快到期, 會唔會又遇到耍客sales 唔幫我整? 之後條路會唔會又逆風, 走錯路之類? 人已在台南即係就快到東邊, 未去過既地方會係點既呢? 會唔會踩到九點仲係伸手不見五指既山區? 我諗我就係一個咁既人, 只要企係到唔郁, 就會係咁亂諗野, 越諗越亂, 越亂越諗.........所以個人就變得好行動派, 有時俾人感覺好衝動..... 咁每個人體質都唔同呀!! (呵呵....)