講咗成個月，今日終於都出發...去台灣。
2011年9月16日, 星期五, 晴
路線: 香港國際機場 --> 台灣桃園機場 --> 台灣松山機場 --> 台北萬華區
 |
好似話唔影唔俾上飛機
|
 |
| 嘩你睇下個天次係幾咁巧~ |
 |
| 第一眼睇咗做 Cathay Pacific |
 |
| 又幾好食喎，但個椰絲餅就食唔哂.....(喜歡甜食的人唔好打在下....) |
 |
| 原來香港同台北的飛行距離都「只是」八百幾公里，如果我能夠踩完環島， 我就踩得仲長過程機！ |
 |
| Sao Mui Ted: 有無搞x 錯咁耐先到我出場! 呢到咁乾搞到d 皮膚都差哂! Bear!!! |
 |
| 1110到達桃園機場第一航廈...已經闊別了好多年，之前過黎都係第二航廈或者飛高雄....點解會有啲懷念既感覺? |
 |
| 天氣好好....突然想起第一次一個人遊台的時候 |
 |
| 第一航廈本身就好細，但今次黎直情得返一條路行....原來係做緊upgrade |
 |
一出閘既時候呀! 就見到觀光局同各大流動電訊公司與及客運公司，我要去松山機場租個GPS 機組，用黎做環台認證，不過其實個主要目的係俾某啲八卦人士check 住我去到邊......
隨便洗啦，每五分鐘update 一次，夜晚收工。
|
 |
| 張就係青年遊台灣卡, 去觀光局整就得架啦, 有好多優惠架, 又唔洗錢, 但要係15至30歲既青少年先申請得 |
 |
| 呢到就係松山機場啦! 幾咁好太陽! 31度，但無咁濕.....無香港咁辛苦 |
 |
| 呢間就係Giant 捷安特單車舖, 捷安特係台灣數一數二既單車店, 呢度可以租環島車, 有GPS 借, 之但係比較貴 |
 |
| 呢個角度好似pro d |
 |
| 係松山機場行出黎, 沿住敦化北路行, 行五分鐘到就黎到呢到, 9樓就係自行車文化xxxx店, 可以租借GPS 機組。 |
嚟呢到就係為咗處理上面條 Link 個單野。但個 GPS 只係一個發射器，用以追蹤其位置。若然你想做GPS 導航或者想要更多資訊例如心跳車速腳頻之類，就要另外帶嘢去。呢度既負責人叫李靜波先生，一睇佢個樣就知是出黎踩，真心有樣睇。佢都好忙，我坐係到廿分鐘，佢就講左起碼十個電話，我見佢又要解答啲GPS 問題，又要解答啲天氣問題，仲要做埋輔導。話說如果你要環台認證，如果你停留一兩日要打電話去呢到同佢解釋，咁有條友話因為天陰陰就唔出發啦，跟住呀李先生就要做埋輔導話，人生總有天陰天晴，你斷唔可以話天陰陰就唔出發架嘛之類... 做呢份工都唔容易。
 |
| 台灣到到都有黎明路黎明乜黎明物, 其實佢應該黎台灣發展 |
話說我去左觀光局借左張 3G SIM 卡，我以為就可以係咁上網好開心，點知原來佢要逐 Mb 計，更公平既收費。後黎我去到松山機場個間中華電信，佢話七日任上3G 只需要台幣 450，之後我去遠傳啦，佢就話要出呢啲卡要去間大啲既分店，咁我就揹住個大背囊，頂住個大太陽行去個間野到。去到個 MK仔問我，你係台灣有無朋友呀？出呢啲卡要身份證架喎！我話你知如果係香港我就發作左架啦，不過算啦過黎都係放假姐，咁我就好優雅咁話好呀，你話唔得咪唔得囉。啦係呢到真係要澄清返，第一我係台灣真係有朋友，只係我唔想咁小事要麻煩佢，根本只係啖氣問題。第二就係你當我第幾次黎台灣？
編按：時為2019年8月，八年後既小妹睇返八年前既小妹，確實係相當剛烈勇猛，不過我興幸我從來都唔吝嗇去紀錄任何形狀既自己，而家睇返都係要讚賞下自己既。
之所以我就行返去第一間遠傳，因為佢隔離就係台灣大哥大，拿呢張相個focus 係咩呢，就係右下角，事緣係有條友食左張牛肉乾，就同個交通差係到講數。個point 係，我半個鐘之前行過，已經係到講緊，佢地真係好得閒，就係咁企係到吹水吹左半粒鐘，睇個勢係仲會繼續吹。講返台灣大哥大先，咁佢張3G 就抵啲，可以傾埋電話，但係因為serve 我條友我唔係好聽到佢up 乜 + 佢後面個堆人好唔專業，經過之前遇到既耍客sales，我都係決定行返去松山機場間中華電訊。
 |
| 呢間係xxx 別墅，成間野好似就黎冧咁，個門牌都發哂毛。之但是我覺得如果呢幢野係香港賣可以賣到4萬蚊一呎。 |
 |
| 終於都行返去松山機場，拿呢張個主旨唔係自戀自拍，係後面個三個打的既大陸HI.....真係離到遠一遠都聞到陣屎味。係對面馬路都聽到佢話要係松山打飛滋返屋企，同埋好大聲咁講台灣都唔x 好玩既之類。 |
 |
| 中間好遠個枝野係台北101 |
 |
| 自己頭已側，唔滿意可以投訴在下，每六秒六毫。 |
 |
| 佢爭緊一杯 Dry Martini。 |
 |
| 唔知幾時換咗啲新車，有閃閃燈站牌。 |
 |
| 龍山寺站，萬華區，已是五點了。 |
 |
| 拿我本人無睇過《艋舺》套戲，呢到係送俾啲鐘意套戲既朋友。PS. 呢到真係好似女人街。我無入去行，因為呢啲 老街都高度商業化 + 在下對於展覽館無特殊僻好 |
 |
| 話說本人係有少少強迫症。我一見到呢d 一排排好整齊既野就會係咁影影影影影....影影下有個差佬行出黎，一路叉住條腰一路meet 佢啲鬚根咁問我係到做乜x 野。我當然發揮戴頭盔笠水本色，一路係咁講唔好意思對唔住一路走..... |
 |
| 呢條街叫鐘錶街，有無人想我係到買手信即管出聲唔洗客氣。呢間中國時報好in，係夕陽既照射下好靚，忍唔住影左落黎。 |
 |
| 長腿叔叔你好嗎? 交出溫馨的心是你嗎? |
 |
終於都check in 左今晚既住宿 - 水天, link 在這
500塊錢的價錢真的超值. 信我.
|
 |
| 唔知乜宮既乜鬼活動, 又打鑼又放煙花咁 |
 |
| 經過成朝俾人耍黎耍去，大熱天時孭住個背囊由一點鐘行到五點鐘，只係飲左100ml 水 (因為實在太乾爽，太唔覺流左汗) 黎到七點未夠已經頭痛....但聽日要踩一百公里，點都要食少少野，求其入左間野食個飯。營養好均衡，又唔難食，盛惠台幣 85。 |
 |
| 全家便利店。我覺得其實你賣得叮叮野食既，都預人地係到食架啦。其實香港啲七仔都會有個位係預你會係到食，但個舖位細到根本都唔可能好似佢地咁又枱又櫈又廁所咁，我覺得食飯要坐係到食係基本人既尊嚴下嘛？即係話香港啲舖租係貴到賣緊人既尊嚴，同埋真係地主大哂。 |
 |
台灣係用顏色去分寄air 定local，香港就係用顏色去分英屬殖民地定係中国殖民地。其實呢個blog 係咪應該會好快會俾人查封。
|
 |
| 水天門口。長時間曝光夜景，色水非常靚。 |
 |
| 三吋高腳架唔好要求咁多=_= |
 |
水天個負責人好鬼好傾，佢本人都玩過環島，仲係一個好有心既年青人。但我真係頭痛到有少少想嘔，都無乜講幾句。
|
今日就係準備d xyz 咁就過左啦。聽日一大早就要起身去出發。希望個中暑會無事啦！
No comments:
Post a Comment