2011年9月20日, 星期二, 陰
鹿港走台17 --> 轉走鄉道(抄小路) --> 台17 --> 布袋鎮 --> 又想抄小路 --> 俾狗追 --> 走返大路 --> 台17 --> 安南 --> 台南
 |
早晨鹿港 :)
|
由於頭兩日都係到戇下戇下咁, 耽誤左唔少既時間, 今日想趕返上進度. 原本今日係想要從台中去台南, 但而家只係係鹿港, 如果由鹿港去台南要百四公里, 去佳里就一百公里. 打左幾通電話問左d 民宿, 去佳里要九百蚊, 去台南只要五百蚊, 仲要台南有得洗衫有七仔etc etc....所以為左果幾舊水, plus 只係全公路挑戰賽, 就決定要去台南. 之後google 導航導左一條路係走鄉道, 可以抄小路去到台南, 省下大概30公里, 由於尋日行過鄉道, 覺得鄉道都ok 可以踩, 就決定踩鄉道......
 |
| 呢到係好typical 既濕地, 如果d 蟹唔郁基本上係睇唔到有野係上面. |
見到塊濕地, 令我記返起我中六個年, 要唔知幾多點起身, 迫49x 出沙田再轉火車又轉巴士咁, 先去到西貢個塊濕地, d 蟹細隻到睇唔到, 反之台灣既學生, 一出門口就大把呢d 野可以實習了, 咁香港學生點會學得好生物呢? 一個地方既發展, 其實好受佢本身既環境影響, 亦感受到人係幾渺少.
 |
| 鹿~ |
 |
| 係時候要上下堂. 當我騎車個時, 其實除左睇前路, 仲要週圍望下d 路牌. 圖中好細張既藍色野就係路牌同街號. |
 |
| 要keep 住睇下有無呢d 牌, 每五百米有一個, 就可以make sure 自己無行錯路. 個藍色17代表17號省道, 即係台17, 個綠色係個距離, in terms of km |
 |
| 我既退休生活呀! |
 |
me: this is so beautiful and relax
ar pei: tsemay, would you mind take some swabs back?
me: ok ok
ar pei: remember to mark down the tattoo number
me: ok ok
(返工返上腦) |
 |
| 又一個屈機境, 是q 旦影都靚 |
,
 |
| 開始有d 起伏, 但都係幾度上幾度落既小菜~ |
 |
| 請搶答: 請問應該行左邊定右邊呢? |
 |
| 答案係左手邊, 唔係因為右手邊有d 石搏阻住, 係因為左手邊條路有呢d 牌, 代表呢條係我一直走緊既省道 |
 |
| 一路上都係呢d 花田, 佢地都係用人手種, 人手打理. 真係好有心機 |
 |
| 呢d 係1 d 比較見得人既鄉道 |
 |
| 過濁水溪. 記住過任何河都一定要上橋, 而條橋係一定會有慢車道, 請走慢車道. 但另外要注意, 砂石車都會走慢車道.... |
 |
| 留個紀錄, 在義竹附近 |
 |
| 一直係到抄小路, 抄完第一段, 有條河, 幾靚 |
 |
| 池塘, 呢d 係村黎架啦, 入面d 婆婆唔識普通話, 要講台語 |
 |
| 新厝村 |
 |
| 又要食冰, 無胃口 |
 |
| 行行下, 有個大叔騎機車, 追住我, 用台語同我講, 你好聰明, d 人都行台1 兜路, 你就一直走鄉道穿過去省力 (點解我識聽? 其實我只係聽到你好聰明, 後面個d 我作架咋, hohoho) |
 |
| 隻牛個tattoo 係背隻, 係佢地剃毛個時特登剃唔到d 數字, 好聰明呀 |
 |
| 我條村, hoho |
由於頭先一直抄小路都好順利, 開始抄第二段小路. 第二段小路都係鄉道, 但係成條路都無舖柏油, 係砂石路. 我係到諗應該只係個段做緊工程姐. 但其實我都有諗過唔好再走呢條路, 出返省道, 因為走砂石路有爆太既風險, 之但是最後都係走左小路.
一入小路, d 狗就黎啦, 我故作鎮定, 你唔好行埋黎呀, 點知佢就喪追我, 搞到我要喪踩, 仲miss 埋要轉入去個路口, 跟住仲要守住個路口唔俾我走入去..cry..............................
跟住我就查google map, 有一條「路」係可以兜返入去原本條導航路, 咁我就踩入去啦. 踩踩下, 條路越踩越窄....最後窄到我無辨法推車, 一定要較低個坐位, 跟住夾硬踩過去........
 |
| 就係好似呢條咁....... |
踩過左, 就定返個位, 終於走返出去原本個條舊路, 諗住繼續向前行既時候, 個電話無電, android 自動幫我好好咁save 哂d data 再關機.....................................
之後我唯有去路上面d 前居後舖, 問佢地借個插座, 諗住叉返個電話.
係呢到, 我要說明一下. 因為減重問題, 所有charger 我只係帶左條usb 線, 無帶個插頭, 所以一定要經netbook 黎叉電. 呢個都唔係問題. 最大既問題係, 原來個電話無電係經唔到部netbook 叉電......
當時我第一時間係到諗, 無左個gps 基本上我可以直接收皮. 無可能架啦. 做唔到架啦. 收工啦.
但收工, 都要行返出去先收得工架, 咁唔通原地自殺咩. 就問左人最近既seven, 係四公里外既回頭路. 就走了.
一路行回頭路, 一路有逆風, 行得唔快, 只有大約14公里/hr, 非常非常洩氣. 今朝早我先係到研究, 如果有風, 可以點樣縮埋自己個人, 就無咁擋風, 仲發現會至少快返0.5 km/hr. 究竟今朝個sprite 去哂邊? 然後腦入面响起有個朋友話, 你唔係咁易放棄既人, 又响起阿信既「倔強」
「我和我最後的倔強 握緊雙手絕對不放
下一站是不是天堂 就算失望不能絕望
我和我驕傲的倔強 我在風中大聲的唱
這一次為自己瘋狂 就這一次 我和我的倔強」
既然都走左咁多公里既路, 連苗栗既山坡都能夠騎過去, 區區一個gps 會難到我? 更何況台灣唔係荒島, 最多咪去到市區再買返個charger 囉! 有幾難姐....最重要既係, 如果咁小事就放棄, 我仲洗出黎行既!!!!
當然, 信心係由事實去建立. 我一直係到踩, 都仲有交戰. 當我去到七仔既時候, 我見到一個情景...令我即時d 信心返哂黎
間七仔對面, 竟然係一間賣電話既舖頭..................!!!!!!!!!!!!!!!!!!!!!!!!!!!!!!!!!!!!!!!!!!
有無咁橋呀? tvb d 劇呀? 但係人生就係如戲, 所謂最後一刻, 從來都無定義, as long as 你唔放棄, 就永遠都唔會有最後一刻.
 |
| 呢隻係台灣當地好多既家居昆虫, 唔記得叫咩名, 係食蚊同甲由, 佢地唔會結網, 所以其實係益虫, 唔會咬人亦無毒, 大家要手下留情呀 |
 |
| 七仔除左無得沖涼, 係車友好去處, 有冷氣, 24 小時, 有supply, 有打氣筒, basic repair tools, 佢地仲非常友善, even 我有阻人做生意既嫌疑, 佢地都係會好真心咁唔介意, 俾我係到msn, 查地圖同差返個電話 |
 |
| 呢隻小狗就係間賣電話舖養既狗仔, 我唔好意思影個店員, 就影左隻小狗. 但原來個店員好搞笑, 好主動問我有無facebook, 即時add 左仲90度高炒影左張合照, 哈哈哈!!! |
待續.....
No comments:
Post a Comment