2011年9月17日, 星期六, 晴
路線: 關渡走自行車步道(八里) --> 桃園走台61/台15 --> 觀音鄉走台61/台15 --> 新豐鄉走台61/台15 --> 新竹火車站
 |
| 早晨台北 :) |
 |
| 你咁靚仔乜女都俾你溝哂啦! |
 |
| 要去關渡租車 |
 |
| 很有名的北投, 現在有新北投支線, 唔好俾的士佬呃呀! |
 |
| 台灣真好多宮, 關渡宮係其中一個好鬼有名同好大既宮 |
 |
| 趕住去租車出發, 未睇做乜, 有興趣上wiki 啦 (hahha...) |
 |
| 呢到就係租車瘋店內, 出發前我要上堂學基本維修單車既技巧 (打氣, 換軚, 補軚) |
 |
| 因為今日係週末, 好多人黎租車, 附近係超靚既單車道, 所以係一個好好既消閒節日, 鳥哥話我既磁場幫他帶來了不少客人, 真係客咩氣呢....其實係我心目中, 佢租一部車都只係100蚊台紙, 係香港搭的士唔跳錶既價錢, 俾多五蚊貼屎都要俾人MUI, 但諗深一層, 台灣要食一餐飯, 又好味又飽又豐富既真係一百蚊有找, 又唔洗交貴租....... |
 |
| 打氣筒, 當時無當係咩一回事, 後黎當然會發現無左佢唔得=_= (hoho...) |
 |
| 單車胎 |
 |
| 背對鏡頭既就係鳥哥啦. |
 |
| 終於都上完堂, 出得發都成十二點, 仲要完全唔記得左開個gps.... |
 |
| 紅色個條係關渡大橋 |
 |
| 要食冰, 因為根本熱到食唔落野, 個心又好忐忑要趕路....其實一直黎到呢度都未放鬆, 我諗係我太耐無放假, 個心成日掛住公司d 野, 又要做下返學既事, 又要顧下感情事....... |
 |
| 三寶 |
 |
| 靚到是但影都勁靚, 無野好講. |
 |
| 勁好天, 呢到係八里左岸自行車步道, 專係俾人踩單車 for leisure and relax, 當日都好多人 in terms of taiwan, 如果係香港應該同免費游水日一樣好似浸溫泉咁........ |
 |
| 上61 號公路/台15線, 見到呢塊咁既牌...... |
 |
| 已經唔想過去, 原來係焚化爐, 唔怪得我停低影兩張相已經十幾隻烏蠅追住我 |
 |
| 因為西濱公路落成, 我諗應該係因為咁而有好多建設 (我估架咋), 勁多大車係咁呼嘯而過, 不過我貫切始終都係睬佢都傻, 就變成咁既衰樣, hoho |
 |
| 突然間唔知做乜條公路隔離有個地方俾你坐下睇海咁, 如果係香港應該變野戰場 |
 |
| 桃園縣界 |
 |
| 沿住條單車道都有呢d 咁既一支支既野等你知道發生緊乜事, 所以 Day 1 都無乜需要攞個GPS 出黎, 為 Day 2 留左伏線..... |
 |
| 彩虹橋. 差少少中伏, 因為好多車友都會影呢度, 我就以為係啱路, 好彩攞個 GPS 出黎睇下, 過咗橋會離開台61 通往竹圍漁港. 不過沿住台61 都會去到休息點, 所以建議照走台 61 節省里程. |
 |
| 踩到去竹圍漁港, 原本係諗住食得好少少, 但係根本食唔落野, 一d 都唔肚餓, 淨係想不停咁飲野, 呢個椰青價值 50 twd |
 |
| 呢到賣燒雞, 我都食左少少 (真係少少, 一支雞槌同一塊雞上脾), 就收左工, 我連行出去影正面相都無力 |
 |
| 觀音鄉, 影呢張相時我係 61線快速公路, 所以淨係影到咁, 我估呢個係環台認證果個觀音啩 (謎之聲: 可否認真啲?) |
 |
| 台灣最西邊既燈塔, 係上面個觀音既後面, 好似係環台認證既極西證據啩 |
 |
| 稻米田, 一有風吹過就會好似人浪咁, 好靚, d 聲仲好清脆, 但係好多飛飛, 仲好鐘意飛埋去我塊面... |
 |
| 編按後記: 那個年代, HDR 好像還沒有很流行... 請自行腦補 |
 |
| 踩踩下遇到個熱血青年, 佢踩公路單車, 同我同年, 一聽到我話要環島就係咁同我講野, 基本上我一路都唔敢停低, 連過鳳鼻山隧道都無停低影, 就咁喪踩, 踩到新竹 (原本係去竹南, 離新竹仲有十公里左右), 但由於唔識路, 又唔知可以踩上台61, 所以耽誤左好多時間.....入到新竹市已經七點半, 今晚住芝蘭大飯店, 600蚊一晚, 套房, 是但啦. |
 |
| 其實我好攰。 |
之後果個熱血青年請我食飯, 又幫我打去俾佢台中的朋友, 問佢可否俾我借宿一宵, 又問我好多關於香港的事情, 生活啦政治啦, 不過佢對香港既情況一無所知, 又問我香港係唔係只有共剷黨, 爭少少無用廣東話鬧佢....他建議我走山線. 其實要說明一下, 因為我原本想去台中, 如果走海線, 到了還要再踩多十幾公里向東才到台中市中心, 所以正常應該係由新竹走台1線或者台13線, 直接由點到點唔洗經海線, 所以我就聽咗佢意見......原本是一個好好的建議, 之不過對於不知天高地厚既我, 就係惡夢既開始....
 |
總騎乘時間: 6:11:38
距離: 93.35 公里
均速: 15.0 km/hr
最高時速: 40.6 km/hr
|
環島第一日, d 人話環島最難捱係頭3日, 我而家打呢篇野就係第3日收皮, 我都覺得講得無錯....呢個第一日算唔錯, 都唔係太攰, 但係無經驗, 始終感覺係唔順暢 (走錯路, 走多路, 唔識睇佢地d 路牌等等), 同埋唔知點解keep 住頭痛.....但應該唔係中暑既感覺.....我覺得係仲未relax 到.....原來一個人係唔可以太耐唔放假.........
呢一日個感覺係, 如果逆風, 其實應該要踩慢d, 咁如果逆風, 你仲係咁同佢對抗, 係咪有點兒浪費氣力, 倒不如等佢既陣風過左, 再全速前進, 有逆風, 咪當休息一下囉.......今日全日都係踩公路, 對於無練過既小妹黎講, 呢個均速同距離都算不錯.
一個字 "近"
ReplyDelete無想過 會一個人 踏單車環島
正在追看正 加油呀！
其實無乜特別.........想做就去做囉 :)
ReplyDelete你好師姐,最近亦打算6月去台灣環台單車
ReplyDelete見到你的BLOG後十分高興!
不介意的話,小弟有好多好多問題想問
請EMAIL至oceanlai452@yahoo.com.hk
方便小弟請教!
唔洗叫咩師兄師姐, 大家份屬車友應無份彼此你我, 電郵已sent 請查.
ReplyDelete