大圍去大埔 - 悠閒單車日

27th nov 2011

google map route

因為假日踩單車徑會好多人, 我好驚會俾人high 花我架車(仲有廿幾個月供呀大佬....), 同埋我家神奇女俠一定會拉住我去食飯同埋行街直落, 所以都係唔好lung 住架車, 今日做左jojo.

踩呢段路線係因為我家神奇女俠想跟埋我一齊去澳洲單車遊, 所以要學踩單車. 雖然佢堅稱佢唔識踩單車, 但係著住條緊身牛仔褲都一口氣踩左十五k 由大圍去大埔我覺得都好過好多無牌駕駛既人士.

過程唔講啦都係乞人憎港女師奶同埋又要威又要戴頭盔既大叔啦. 但係好驚喜既係有好多踩名牌車既車友, 嘩簡直是2011 年高級公路車巡禮. 我地仲好似撞到去青藏高原踩車個條女 (細路女黎, 唔係Vicky and Pinky.)

今日踩個架係merida 鐵車架, shimano 變速組既通勤車. 大菠蘿防刺胎, 前三後六十八速. 平路踩2,6 段也不感到費力, 時速大約維持係十km/hour. 最令我驚訝既係上落單車隧道個類三四度坡既時候, 如履平地, 或者真係平日訓練有功. (當然加上細齒輪比啦.....小妹架road bike 點細都一定唔會細過1 掛....)

小妹一向強調小妹唔係競速型, 所以肌耐力係不知不覺間進步左咁多我都好開心. 有關於坡路段既訓練, 可以參考呢到: http://cyclingtime.com/zh-tw/1966/article/%E7%88%AC%E5%9D%A1%E4%B8%89%E5%A4%A7%E6%A6%82%E5%BF%B5