速度控制

小妹黎講呢踩車經驗尚淺, 無乜技巧可言, 好多野都係問google 大神再自己練習而學返黎. 所以請各位車友都可以加入討論, 等小妹可以增廣見聞.

咁話說小妹住係紅磡, 如果要踩去西面係一定要經過漆咸道, 但係漆咸道太危險, 一般車友都係建議踩佛光街. 但小妹初初踩時十分感冒, 因為佛光街個條十度既斜路, 當我踩架只有十kg 重既road bike 時, 可以衝到50-60km, 而且多燈又多車, 所以都想控制返個速度. 初初乜都唔識時, 就係咁輕握個煞車, 結果不消一會兒個煞車皮就有怪聲走出黎.

返屋企問google 大神, 再檢查下架車, 發現煞車皮原來因為過熱而熱溶左個輪框既金屬部份, 有少少金屬屑陷左入去個煞車皮到, 所以煞車皮就有聲. 而且如果輪框過熱, 係會熱爆個內胎. 咁簡單d 黎講就即係小妹既煞車技巧有問題啦.

於是, 小妹就問google 大神, 應該點解決. google 大神就無直接答我, 佢用例子黎答我:

http://bike.speaker-tw.com/tricks/break.htm
http://bike.speaker-tw.com/tricks/down%20hill.htm

綜合黎講, 就係煞車時要將重心放去後面, 極端時更加可以成個人座後離開座位, 有效防止翻車.

我參透完以上講左d 咩, 就親身去練習, 第一下已經有明顯既效果, 而家滑坡衝到40km/hr 都可以安全停係紅燈前面.

不過最後最有用的是換左個煞車皮, 而家我用緊 kool stop.

小妹個人建議, 其實都係安全至上, 就算個下坡段有幾陡都好, 都應該keep 返係40km/hr 咁上下. 其實都係為其他道路使用者著想呀!