荃灣西來回紅磡

27th OCT 2011
28.95公里, 1:40:46騎乘時間, 均速 17.23公里每小時, 風大, 後段下雨

google map route

呢排心情有點參差, 想踩長途一點, 就揀左呢條路線. 因為我聽人講要踩三粒鐘, 所以就坐西鐵去荃灣西, 再慢慢踩返出紅磡, 返屋企.

咁坐西鐵呢, 入閘時最好就拆轆啦, 因為其實港鐵好似有明文規定係唔上得單車, 但如果你拆哂轆, 企係頭尾卡, 十一二點無乜人個時先上車, 其實港鐵都採取隻眼開隻眼閉既政策既, 希望各位車友都會合作啦.

Day 15 - 離開, 是為了回來

2011年10月1日 (陰, 驟雨)

基隆走新台5 --> 忠孝東路轉2乙 --> 承德路 --> 大度路 --> 關渡知行路租車瘋店前 (終點)

一早起來, 查了一下台灣氣象局的網站, 除左原先影響台灣個颱風 (吹左去香港個個), 太平洋仲生成左另一個颱風, 影響台灣東北部, 所以今日都係唔洗望, 又係刮風落雨. 

尋日已經死過翻生, 今日又打風落雨, 海線唔洗旨意啦 (後話: 之後幾日因為豪雨, 蘇花公路要封閉!). 因為我原先係想大環島, 由基隆返台北應該走台二, 經金山, 三芝, 淡水, 最後返到關渡. 全程七十k 左右, 其實都應該好輕鬆可以完成, 但可惜呢條係沿海路線, 小妹都係同淡水無緣架啦. 

點解咁緊張淡水? 其實要講返點解我同基隆有個約會. 因為阿信話:

Day 0 - 火很大的第零天

2011年9月16日, 星期五, 晴

路線: 香港國際機場 --> 台灣桃園機場 --> 台灣松山機場 --> 台北萬華區

說了整整一個月，今天終於都出發...去台灣。

聽說不拍好像不可以登機 (誤

Day 14 - 我和基隆有個約會

2011年9月30日 (陰, 晚上有雨)

羅東走台9 --> 宜蘭 --> 鄉道191 到頭城 --> 轉台二沿海 --> 八斗子 --> 基隆市中心

今日一早已經知道會係好艱辛既一天. 因為身體既狀況已經衰落到只能踩平路, 坡段一定要推車. 我唔知咁係因為心理狀況定係生理狀況, 不過總之就已經力不從心. 今日既路線係有整整一百公里要完成, 沿海既山坡路段, 會落雨, 又有颱風同東北季候風影響附近地方, 中間沒有停靠住宿的地方, 因為台二沿海只有零星的住宿點, 但問題是我十分清楚我既身體已經無辨法再支撐長時間騎乘. 所以唔可以再拖了, 今日一定要到達基隆市中心.

Day 13 - 遺憾與蘇花公路擦身而過

2011 年9月29日 (晴)

台9 瑞穗 --> 光復 --> 壽豐 --> 花蓮火車站 --> 區間車過蘇花公路 --> 蘇澳新站 --> 台9 線羅東

尋日落左成日雨, 夜晚仲要落傾盤大雨咁, 諗住今日都係落雨架啦, 點知一起身睇facebook, 原來個風打左去香港, 掛左好多年無掛既八號風球. 於是今日台灣就天氣晴啦.

其實打左咁多日, 都無乜點提過踩單車以外既生活係點過. 其實環島黎講如果係一氣呵成的話, 時間管理要做得好好, 咁先有充足既時間休息同埋準備第二日既旅程

道歉啟示

各位有追開呢個blog 既朋友, 首先要講聲多謝先, 估唔到都有朋友會關心下小妹, 有好多仲要係素昧謀面既網友.

到左第12日, 旅程都去到尾聲, 是次旅程小妹總共用左15日, 包括中間休息既時間, 所以仲有三日個blog 就會打完架啦. 係有少少唔捨得, 但係我一定會打完個blog 架. 大家唔洗擔心.

只不過, 由於小妹已經回到工作崗位, 讀書方面又已經開始左繁重既課業, 再加上小妹經歷呢一役之後, 覺得自己身體真係已大不如前, 雖然尚為年青, 但都要開始注重養生之道, 所以狠下決心將數千元約滿花紅一次過買左架road bike, keep 住日日踩一個圈, 所以生活開始忙碌起黎. 個blog 我一定會打, 但會打得慢d 啦 ^_^

打完個環島, 之後可能會繼續當係單車訓練既blog 咁黎打, 如果各位車友有興趣, 大家可以keep 住個blog 係bookmark, 大家一齊review下進度 ^_^

Day 12 - 時光隧道的盡頭

2011年9月28日 (陰, 有雨)

台9公路 --> 池上 --> 玉里轉鄉道193 ---> 瑞穗

一天醒來，雖然身體還是好累，但感覺已經可以繼續旅程了。伯伯說，昨天晚上下了傾盤大雨，今天一定不會再下雨了。

但話語未畢，雨又再下了起來。

Day 11 - 消失了的

2011年9月27日 (晴, 大太陽)

鹿野倒地鈴

徐大哥：．．．小妹

我：（起身）．．．早安

徐大哥：感覺有沒有好一點？

我：好像還是渾身無力，手在抖

徐大哥：．．．我們去看醫生。就走五分鐘就到了。先食個早飯吧，你想吃稀飯還是白飯？

Day 10 - 倒地鈴

2011年9月26日 (晴, 大太陽)

台9線縱谷公路 --> 鹿野倒地鈴

由台東市北上去花蓮, 可以揀走山線或海線. 山線好多溫泉, 再加上海線的話因為颱風關係會好大風, 停靠點亦比較少, 而且里程比較遠. 雖然海線風景會靚d, 但我都係揀左走山線.

天氣好好

Day 9 - 我和我的壽峠

2011年9月25日 (陰, 連綿細雨)

鄉道 199甲 --> 鄉道199 壽峠 --> 接台九東源村 --> 達仁 --> 尚武, 大武 --> 金崙, 太麻里 --> 接台11到台東 

尋晚有個車友撩我去睇日出, 但因為今日要挑戰環台路線最高點 - 壽峠, 再加上要踩100公里既山路, 我就婉拒左佢既好意. 只不過在下都不敢怠慢, 6點幾就起身, 7點就準備好出發.

其實本人黎講唔係好得空肚食早餐, 但呢間野咁鬼度縮都包埋咁就梗係食得唔好哂! 又幾好食喎貢丸面, btw 台灣人都好似好鐘意食貢丸, 係唔係都加幾粒落去咁.

Day 8 - 就在那個最南的地方

2011年9月24日, 星期五 (陰)

台26 經墾丁 --> 鄉道200甲 --> 鄉道200 --> 接台廿六經港仔 --> 鄉道199甲 --> 旭海

今日心情有d 緊張, 因為要向完全無去過既地方出發. 但係我既旅程開始有d 唔同, 因為遇上越黎越多既車友, 打氣既路人亦都越黎越多, 感覺開始無咁孤單無助.

間酒店實在係太抵, 搞到我都唔捨得走, 混到八點鐘先出發.